Monday, December 22, 2014

ಖೋ

ಖೋ ಖೋ
ಯಾರೂ ಕೊಟ್ಟಿಲ್ಲ
ಕೊಡದಿದ್ದರೇನಂತೆ
ಹಾಳೆ ನನದು
ಪೆನ್ನು ನನದು
ತಾಕತ್ತಿದ್ದರೇ ಓದಿಸಿಕೊಳ್ಳುತ್ತದೆ
ಇಂದೋ? ನಾಳೆಯೋ? ಸತ್ತ ಮೇಲೋ?
ಅರೇ ಓದಿಸಿಕೊಳ್ಳದಿದ್ದರೇನಂತೆ?
ಆದರೂ ಅರ್ಥವಿದೆ;ಪ್ರತಿಯೊಂದು ವಸ್ತುವಿಗೂ ತನದೇ ಆದ ಬೆಲೆ ಇದೆ
ನನ್ನಪ್ಪ ಒಳ್ಳೆಯ ರೈತ
ಜಮೀನು ಇಲ್ಲವೆಂದು
ಬಿತ್ತನೆ ಬೀಜ ಕೈಸಾಲ ಸಿಗಲಿಲ್ಲವೆಂದು ಸಾಯಲಿಲ್ಲ
ಖೋ ಕೊಡಲಿಲ್ಲ ವೆಂದು ಉಳುಮೆ ಮರೆಯಲಿಲ್ಲ
ಸ್ನೇಹ ಸರಪಣಿಯಲ್ಲೂ ಸ್ವಾರ್ಥದ ವಿಷವಿರುತ್ತೆ
ಮಿತಿಯ ಮೈಲಿಗೆಯ ಮೋಸವದು
ಖೋ ಬೇಕಿಲ್ಲ , ಕೊಡ್ತೀನಿ ತಗೋ
ಖೋ ಯಾರಪ್ಪನದ್ದೂ ಅಲ್ಲ, ತಗೊಳ್ಳಿ ಎಲ್ಲ
ನನ್ನಾಪ್ತರಲ್ಲದವರು, ಗೊತ್ತಿಲ್ಲ ದವರು, ಗೊತ್ತಾಗಬೇಕಿರುವವರು
ನಿರ್ಭಾಗ್ಯರು, ತಿರಸ್ಕೃತರು,ಲೋಕನಿಂದಿತರು ಎಲ್ಲರಿಗೂ ಖೋ
ನಿಮ್ಮನ್ನೂ ನಾನು ಓದಬೇಕಿದೆ